India
image_print

വീണ്ടും ഹെലികോപ്റ്റര്‍ വാടകയ്ക്ക് എടുക്കാന്‍ സര്‍ക്കാര്‍

Written by

askshiyas

കേരള സര്‍ക്കാര്‍ വീണ്ടും ഹെലികോപ്ടര്‍ വാടകയ്ക്ക് എടുക്കാന്‍ സാധ്യത.പുതിയ ഹെലികോപ്ടര്‍ ആവശ്യപ്പെട്ട് ഡി.ജി.പി സര്‍ക്കാരിന് കത്ത് നല്‍കി.ഹെലികോപ്ടറിനായി സ്വകാര്യ ഏജന്‍സികളില്‍ നിന്നടക്കം ടെണ്ടര്‍ ക്ഷണിക്കാനുള്ള നടപടികള്‍ സര്‍ക്കാര്‍ ആരംഭിച്ചിട്ടുണ്ട്.

ഒരു വര്‍ഷം മുന്‍പ് മാവോയിസ്റ്റ് ഭീഷണി അടക്കമുള്ള വിഷയങ്ങള്‍ നേരിടാനും രക്ഷാ പ്രവര്‍ത്തനവും ചൂണ്ടിക്കാട്ടിയാണ് പൊലീസിനായി സര്‍ക്കാര്‍ ഹെലികോപ്ടര്‍ വാടകയ്ക്കെടുത്തത്. പൊലീസിന്റെ ഫണ്ടില്‍ നിന്ന് പണം നല്‍കുമെന്നതായിരുന്നു ആദ്യ വാദം. എന്നാല്‍ ടെന്‍ഡറും മാനദണ്ഡങ്ങളുമെല്ലാം കാറ്റില്‍ പറത്തി പവന്‍ഹാന്‍സ് ഹെലികോപ്ടര്‍ പറത്താന്‍ അനുമതി നല്‍കിയത് വന്‍ വിവാദമായിരുന്നു. പിന്നീട് ഇവര്‍ ഈടാക്കുന്ന വാടക തുകയും ചര്‍ച്ചയായിരുന്നു.

2020 ഏപ്രില്‍ മുതല്‍ ഈ വര്‍ഷം ഏപ്രില്‍ വരെയായിരുന്നു പവന്‍ഹാന്‍സുമായുള്ള കരാര്‍. കരാര്‍ അവസാനിച്ച പശ്ചാത്തലത്തിലാണ് ഹെലികോപ്ടറിനായി സ്വകാര്യ ഏജന്‍സികളില്‍ നിന്ന് ടെണ്ടര്‍ സ്വീകരിക്കാനുള്ള നടപടികളിലേക്ക് കടക്കുന്നത്. പുതിയ ടെണ്ടറില്‍ വാടക കുറയുമെന്നാണ് പൊലീസ് വിശദീകരണം.

Leave a Reply

Your email address will not be published.