സ്കൂൾ അടഞ്ഞുകിടന്നിട്ടും ഫീസ് പൂര്‍ണമായി ഈടാക്കുന്ന സ്‌കൂളുകള്‍ക്കെതിരെ താക്കീതുമായി തമിഴ്നാട് സർക്കാർ

ഈ അധ്യയന വര്‍ഷം പരമാവധി 75 ശതമാനം ഫീസേ വിദ്യാര്‍ത്ഥികളില്‍ നിന്ന് ഈടാക്കാവു എന്നും അതില്‍കൂടുതല്‍ വാങ്ങരുതെന്നും തമിഴ്നാട് സ്കൂൾ വിദ്യാഭ്യാസ വിഭാഗം .കോവിഡ് വ്യാപനത്തെ തുടര്‍ന്ന് സ്കൂൾ അടഞ്ഞുകിടന്നിട്ടും ഫീസ് പൂര്‍ണമായി ഈടാക്കുന്ന സ്‌കൂളുകള്‍ക്കെതിരെയാണ് ഈ താക്കീത് നൽകിയത്

സ്​കൂളുകള്‍ പൂര്‍ണമായി ഫീസ്​ അടക്കാന്‍ ചൂഷണം ചെലുത്തുന്നതായി വ്യാപക പരാതി ലഭിച്ചു. ഇതിനെ തുടര്‍ന്നാണ്​ കര്‍ശന നിര്‍ദേശം. 40 ശതമാനം ഫീസ്​ ആദ്യ ഗഡുവായും അവശേഷിച്ച 35 ശതമാനം രണ്ടാമത്തേ ഗഡുവായും വാങ്ങാം. സ്​കൂള്‍ തുറന്ന്​ സാധാരണ നിലയിലേക്കാവുന്ന പക്ഷം ബാക്കിയുള്ള 25 ശതമാനം വാങ്ങുന്നത്​ സര്‍ക്കാര്‍ പരിഗണിക്കുമെന്നും ഉത്തരവില്‍ പറയുന്നു.ഈ ഉത്തരവ്​ എല്ലാ ജില്ലാ വിദ്യാഭ്യാസ ഓഫീസര്‍മാര്‍ക്കും സര്‍ക്കാര്‍ നല്‍കിയിട്ടുണ്ട്.

കോവിഡ്​ രണ്ടാം തരംഗ വ്യാപനത്തെ തുടര്‍ന്ന്​ കഴിഞ്ഞ ഏപ്രില്‍ 24നായിരുന്നു വിദ്യാലയങ്ങള്‍ അടച്ചത്​.കോവിഡ് രണ്ടാം തരംഗത്തെ തുടർന്ന് തമിഴ്​നാട്ടില്‍ രോഗവ്യാപനവും മരണവും കുത്തനെ ഉയര്‍ന്നിരുന്നു. എന്നിട്ടും സ്​കൂളുകള്‍ പൂര്‍ണമായി തുക ചോദിക്കുന്നതാണ് പ്രശ്നത്തിനിടയാക്കിയത്.