ഏഴില്‍ ഏഴും ജയിച്ച് ബ്രസീൽ ; ഞായറാഴ്ച അർജന്റീനയെ നേരിടും

ലോകകപ്പ് ഫുട്‌ബോൾ യോഗ്യതാ റൗണ്ടിൽ ബ്രസീൽ വിജയക്കുതിപ്പ് തുടരുന്നു. ഇന്ന് നടന്ന മത്സരത്തിൽ ചിലിയെ ഏകപക്ഷീയമായ ഒരു ഗോളിനാണ് തോല്‍പ്പിച്ചത്. ഇതോടെ ബ്രസീലിന് 7 മത്സരങ്ങളിൽ നിന്ന് 21 പോയിന്‍റായി.കളിച്ച ഏഴ് മത്സരങ്ങളില്‍ ഏഴും വിജയിച്ചാണ് ബ്രസീലിന്‍റെ കുതിപ്പ്​​.64ആം മിനിറ്റിലാണ് എവർട്ടണ്‍ ബ്രസീലിനായി ഗോളടിച്ചത്​. ഗോൾ അവസരങ്ങൾ സൃഷ്ടിക്കാന്‍ കഴിയാതിരുന്നതോടെ ചിലിക്ക് ഗോളടിക്കാനായില്ല. ഞായറാഴ്ച ബ്രസീല്‍ അര്‍ജന്‍റീനയെയാണ് നേരിടുക.

ലോകകപ്പ്​ യോഗ്യതാ റൗണ്ടിൽ അർജന്‍റീനയും ഇന്ന്​ തകര്‍പ്പന്‍ ജയം സ്വന്തമാക്കി. വെനസ്വേലയെ 3-1നാണ്​ ​ അര്‍ജന്‍റീന തോല്‍പ്പിച്ചത്. ലോതാരോ മാർട്ടിനസ്​ , ജോക്വിൻ കൊറിയ, എയ്ഞ്ചൽ കൊറിയ എന്നിവരാണ്​ അർജന്‍റീനക്കായി ഗോള്‍ നേടിയത്​. ഇഞ്ചുറി സമയത്ത്​ യെഫേഴ്​സൺ സോറ്റെൽഡോയാണ്​ വെനസ്വേലയ്ക്കായി ഗോളടിച്ചത്. ഇന്നത്തെ മറ്റ് യോഗ്യതാ മത്സരങ്ങളില്‍ ബെൽജിയവും പോളണ്ടും ജർമനിയും ജയിച്ചു.